Carmè,
che cumbinat,
me pare na malata.
La mia ciaciona, grassa,
mo è solo pell'e oss.
Chella schiappa e nù duttor,
ca dieta ca t'ha rat,
t'ha proprio arruvinata.

Eri chiatta, prosperosa,
calda, soffice e amorosa;
mò si frigida, scontrosa,
nù scupillo cu dduie pili,
pare na tubercolosa.
Si te guardo dint'a notte,
fai paura gioia mia;
pare ca me so cuccato
n'ziem'a nà radiografia.

Piccerè,
ti a dà na mossa,
nun me piaci pell'e ossa.

E po,
onestamente,
tanta notte a nun fa niente
è na cosa ca nun va.

Tu ossaie, te voglio bene,
si pe mmè n'ammore grande,
ma l'ammore pe durà
sott sott ha dda quaglià.

Chella vota ca se quaglia,
raramente a dire il vero,
me sento nu fachiro
n'copp'a nu tappeto e chiov,
tu, stai ferma e nun te muovi,
e io, ca allucco po dulore.

Sient'a mmè, Carmela mia,
tuorn n'copp'e vecchia via;
si carnala vuò turnà,
chella dieta l'hai lascià.