Che vvò mo stà Farfalla,
s'appoia n'copp'a spalla,
me gira attuorn'a capa,
forse porta n'ammasciata?
N'ammasciata, e chi sarrà?

Me sa ca è Carulina
ca po frisc'da matina
cerca a fianco, dint'o lietto,
nu marito po abbraccià.

Mhà, forse è Carmela,
se so appicciat'e voglie
cu l'addor'e primmavera,
e vò n'ommo pe stutà.

O forse, Pamela
a negretta da Nigeria
ca tutt'e notte spera
ca a vaco a cunsulà.

Però po essere
la casta Margherita,
ca primm'e fà ll'ammore
me vò ca fede al dito.

O forse Mariarosa
ca tutt'e notte sonn
Io co frack scuro
e essa co velo e sposa.

Mamma mia stì femmene,
nun sanno cchiù che ffà
pe te arravuglià.
Se truccano, m'prufamano,
vann'a du l'estetista,
dal chirurgo plastico;
na limatella al naso,
na tiratella d'uocchie,
silicone al labbro
e na abbuffata e zizze.

Pò,
o primm'ommo ca incontrano,
ca stà bbuono a denari,
l'acchiappano cu ll'amo
senz'ammullarlo cchiù.

Cu mmè po s'inventano
mille furbizierie;
io e faccio pruvà
o sballo.
Me cercano,
me vogliono;
me fanno tuzzulià
pure de Farfalle.