Che nustalgia stasera
teng'a Napule dint'e pensieri
e stù turmiento nun me fa durmì.
E vola,
abbracciat'a fantasia
l'essenza da vita mia.

Chiude ll'uocchie oi core,
và,
fatte purtà,
jesce a chesta gabbia e pucundria.
Si a nustalgia t'accide
solo Napule te po' curà.

O saccio,
tu vulisse turnà,
ma nun se po.
Ormai so cchiù e diec'anni
e forse Napule nun t'appartiene cchiù.

Và,
fatte nu giro co pensiero,
vide si è cagniata
o si è comme ll'e lasciata;
ma nun fà comm'e turisti
ca te guard'e posti belli,
vide pure e cose tristi,
e Quartieri, a Ruvanella,
a duicientdiciannove
addò a gente chiagne e more.

Và,
guardate bbuono attuorno,
ta siente e ce turnà?
Tu ossaie,
sta Città nun'offre niente;
solo umiliazioni
arrangiamient e disoccupazione.
E po',
è pure nu poco puttana,
e figlie nun'e ddà a mangià,
e ffà fuì da casa.
E nonostante tutto,
nuie, poveri figli e zoccola,
a penzammo sempe
e nun vedimme ll'ora e ce turnà.

Jammo mò,
nun t'avvilì,
Napule nun po murì.

Adda passà a nuttata!

Fa na cosa,
te vuò risollevà o morale?
Scinne abbascio Marechiaro,
assettate
addò ll'acqua n'fonne a rena
e guarda o panorama.
Ovvire che spettacolo?
Comme po murì stà grazie e ddio.

E' nu malessere e passaggio,
fatte curaggio.
Tuorna addo stai mò,
e portate cu ttè
ll'addore e mare.