Rici ca oggi a nicuzza si marita
rici ca è u cchiù bellu iornu da me vita
rici ca na figghia maritata
è ‘mpezzu di cori ca pigghia n’autra strata
ricunu tutti pari parenti e amici
ca iù stasira avissi a essiri felici
ma allura picchì nun pozzu parrari
sentu nu ruppu e nun pozzu rispirari
rici ca iè picchì sugnu emozionatu
e mi ghianci u cori macari ca sugnu priatu
ma taliatila che bedda a picciridda
allumina sta nuttata comu na stidda
si picchì pi mia è sempri dda criatura
ca quannu nasciu mi fici chianciri ancora
u stissu di chiddu ca ora mi succeri
mi scappunu lacrime pi tuttu l’amuri
ca sulu ‘mpattri a na figghia sapi rari
vogghiu riri a tutti pari amici e parenti
ca oggi cchiù di mia nuddu è cuntenti
e tu Federicuccia ca si sempri a me nica
veni ccà stringimi forti u Signuri ta bbenerica!