Talè Cicciuzzu, avianu pinzatu di farinni un museu ccu unuri
unni tutti putianu viriri a nostra arti di comici e d’ atturi.
Ma si picciuli un ci nnè nnò canistru comunali
comu sti politici possono ancora babbiari?

Eh, Francuzzu, forsi nni vonnu piggiari pi fissa ccu tali cuscenza
dicennu ca semu stati “attori di granni valuri”
e poi si sciogghinu comu quacina senza culuri
e nni lassanu comu trunza ri vrocculi, ccu la calia e la simenza.

Ma nuatri ca semu abituati a suppurtari la fami
mittemu chista ccu l’avutri, da bboni palermitani
e ricurdamu quanni cci ricianu “atturi di secunna manu”.

A nuatri, basta ca nni ricordanu chiddi ca cci hannu vulutu beni.
A memoria cci l’havi ntò cori ogni fans stranieru e palermitanu
ca ha rirutu quannu era siddiatu
e ccu li nostri scenetti e film ha scarcaniatu.

Poi si nni fannu lu museu... tantu beni acquistatu
forsi finalmenti hannu caputu ccu cunvinzioni
ca nuatri travagghiamu nnò cinema e nnò teatru ccu ppassioni
picchì si ricurdaru cosa amu fattu e chiddu ca semu statu.