Un jornu quasi pi babbiari
avìanu pinsatu di scuttarisilla ccu lu mari.
Iddu tuttu friscu e cristallinu
avìa ad essiri spirtusatu ntò fondali.
Chi focu ranni, chi gran mali
aviri un mari trivellatu
al fini ri sucari pitroliu di qualitá
ed ntussicari ancora chiossà l'umanitá.

Ma l'omu si capisci, è un luccagghiuni
quannu fa sti penseri raffinati
ca parinu balatuna scavazzati.
E si voli pensari a lu propriu 'nteressi
pinsassi na bbona vota
a risolviri i veri drammi di l'umanità
e non a violentari a povira natura
ccu pirtusa e pirtusicchi
ca fannu sulu attisari aricchi
e sucari lu sangu ri la terra
pi ritrovarisi prestu o tardi ccu lu culu pi 'nterra.