Ciatu ri lu mè ciatu,
cori ri lu mè cori
sentu lu prufumu ri la tò biddizza
e lu tesoru ca è ogni tò carizza.

Si adduma lu celu ri lu tò caluri
è un suli ca porta ogni tipu ri culuri
a li jorna ca passanu nfretta.
Li to occhi sunni ciavuru ri mari supra na varchetta
lu to cori cartocciu chinu r’amuri.

Ciatu ri lu mè ciatu
sangu ri lu mè sangu.
Si putissi essiri ventu
vulerei fra li tò capiddi ri suli
e carezzerei li tò labbra ccu ‘na vasata
picchì Iddi su cchiu duci ri na cassata
e cchiù suavi ri ogni stranizza r’amuri.

Ciatu ri lu mè ciatu
biddizza nfinita.
Sì lu zuccaru ri la mè vita
e la via ca porta alla filicità infinita.