Cu tutta ‘sta pulitica ri carta vilina
c’è cu ciuscia ri sira e cu ri matina,
cu svampa ri supra e cu ri sutta
cu parra amminchiulutu e cu erutta.
Ma a ciusciari ri ogni latata
nun vugghi mai sta pignata
e ci si ritrova cu na pitanza squagghiata
ca coci, coci, ed è sempri cchiù squarata.
Resta sulu un vugghiu ri vapuri
ca nun porta a nissunu cundimentu ri valuri.
Oh pulitici, allura, ca ciusciati nnò tianu,
fati un unicu ciusciu comuni
picchì si pì na vota vi strincissivu ‘a manu
forsi riniscireti a quagghiari na cosa giusta e non invanu.