Vurria na femmena... comm'aggia dicere, na femmena
nimmanco accussì speciale ma, ca fosse d''o sud,
verace e tutta naturale.

Cu ll'uocchie nire nire, 'a vulesse, galleggianti rint'a
duje scutelle è latte chiaro... Nu ricciolillo 'nfronte e
na vocca 'e ccerase doce comm''o zucchero... Che
spannesse tutt'attuorno addore 'e malvarosa.

Nu poco friccecariella e accunciuliell'assaie ma cu
tanto sentemiento int''o core ca quanno sagliesse
'a luna 'ncopp''o mare, forte me strignesse senza
fiatà comm''e 'onne 'e Napule sanno fà!

TRADUZIONE:
VORREI UNA DONNA
Vorrei una donna... come dire, una donna
neanche tanto speciale, ma che fosse del sud,
verace e tutta naturale.

Gli occhi neri neri, la vorrei, galleggianti in
due scodelle di latte chiaro... Un ricciolino in fronte e
una bocca di ciliegia dolce come zucchero... Che
effondesse dintorno profumo di malvarosa.

Un po' scherzosetta e caruccia assai ma con
tanto sentimento dentro al cuore che quando spuntasse
la luna sopra il mare, forte mi stringesse senza
fiatare come le donne di Napoli sanno fare!