Talianu, talianu lu mari
e da la rina virinu passari
li varchi oltri li cunfini vagnati,
stannu spirdati ed appinnuliati,
pronti a salutari l'aceddu ca svulazza
comu picciriddu ntà la chiazza.

Sognanu sognanu à libbertà
ri sdirrubbari ogni travi ntà la via
e circari ccu curaggiu la filicità
nni ogni onda ca sciddichìa.

Aspettanu, aspettanu 'nvanu
la vinuta ri li varchi da la pisca
e ansiusi stannu 'nmenzu ogni tipuri stranu
ccu li vesti nivuri e la sciallina,
cci ricinu ò Signuri ccu tutta l'anima china
"Fà riturnari mè maritu da la burrasca
anchi senza un pisci ntà la tasca!"