Rapìti tutti i potti,
i finestri spalancati
sia di ionnu ca ri notti,
rapitili e ciaurati,
ca a maggiu l'aria fina
riciala i cittadini,
agghiana de iaddina
ca di zagara su chini,
si spanni nta li strati
e dintra li cuttigghi,
sunu attacchigghiati
i naschi re figghi
di stu paisi strammu
ca chiamunu Lintini,
quannu, cammu cammu,
stu ciauru si ni veni.
Affacciàti re baccuna,
nisciti tutti fora:
s'allaggunu i pummuna,
a menti sa ristora,
tiràti u ciatu fotti
rintra u vostru cori,
pigghiativillu tutti
stu ciauru, prima ca mori.