Guardu la figghia mia a lu caminettu lesu,
chi cu la maniceda si reggi lu visu,
la viju tutta tristi e pinzerusa,
dimmi figghiola mia, dimmi carcosa,
mamma lu cori meu si dispera e affanna
pecchi non sacciu avundè lu papà e quandu torna,
la pigghiu mbrazza la me figghiola cara,
dicendu ca lu papà veni, ma non è ancora ura,
abbrazzandusi a lu codu cu tantu affettu,
s'addormentau e la portai a lu lettu,
la notti si risbigghiau a tarda ura,
chiamandu spessu lu papà soi caru,
e cu l'occhi ciangenti ida mi dissi,
mamma, mo lu capiscia, non torna cchiù lu papa meu,
dammi la manu, tenimi lu cori, mi sentu tristi, non m'abbandunari.