Spiddiu u focu:
si manciò tuttu u carbuni,
a fiamma a pocu a pocu
svaniu nto cufuni.
Ristò sulu a ciniri
e u fetu d’abbruciatu:
‘nfilu di fumo a moriri
finu ca tuttu iè stutatu.
Arristò sulu u friddu
c’arriva vessu a fini:
u senti ca l’hai rincoddu,
ca trasi comu spini
rintra ie manu nuri,
accussì senza raggiuni.
Pi nun sentiri ruluri
ti pigghi a muzzicuni.
Dopu, a pocu a pocu,
capisci a spisi toi
ca spiddiu u focu:
nunn’asbampa acchiui.