Carmè,
che t'è succiess,
si addeventata chiatta,
quanno t'aggio spusata
eri nà silhuett.
Mò pare nà balena
ca nuota miez'o mare,
appena ca te muovi
scatin nù tzunami.
Sarrà pecché t'abbuffi
da comm'arape ll'uocchi,
a vocca toia è na macina
stai sempe a mastecà.

Comm schiar matina
te piazzi dint'a cucina,
me pari nà matrona,
t'assietti n'copp'o trono
e fai colazione.
"Quatt'ove a zampaglione,
tre quatt bomboloni,
quelli ripieni e crema,
latte e fiocchi d'avena,
t'azzuppi tre girelle
nù pacco d'oro saiwa
spalmati con nutella".

O juorno nun'o saccio,
stongh' a faticà,
chisà che t'appripari
po pranzo principale.

A sera vai liggera,
a cena è sempe cena,
"nà fiorentina ai ferri,
sett'ottucient grammi,
nù ruoto e parmigiana,
nù quarto e pecorino,
miezz sfilatino,
na mela, na banana,
e na butteglia e vino".

Pò, a notte vuò parià.

Ti giri, alluongh'e mano,
sorniona t'avvicini,
me sbatti, me strapazzi
comm'e nu manichino.
Quanno son'a sveglia
m'aizo nà mappina.
Barcollo,
stò distrutto,
me sento tutt' rutto.
Piglio a bicicletta
pe ghì a faticà,
ma sadda pedalà,
e a forza
chi m'ha dà?

Pirciò, Carmela cara,
jà fà nà dieta stretta,
si nò, stà scarda d'ommo
o mann'all'atu munno