Quattru casi vecchi
e genti anziana,
è chistu u paisi
di la Diana.
Basta nca hannu
u casteddu saracinu
e a chiazza granni,
ma i picciotti unni su?
Su partuti in cerca
di travagghiu,
dda, in Altitalia,
picchì cca travagghiu
un ci nn'é cchiù.
Li strati su deserti
quannu fa friddu,
sulu u ventu gira
e l'acqua ca puliziano
u paisi,
mentri i palummi
dinghinu i canali
di nira e pinni
e puri i finistruna
abbannunati
sunnu chini
di cacati.
Svintuliano i frutti
nna campagna mezzu
li fraschi,
maturi carinu nterra
e ci restano sicchi,
picchi li viddani
su troppi vecchi
e stanchi
e picciotti un ci nn'é cchiù.
Picciotti,
di li vrazza forti,
chi amanu la nostra terra
china di pueta
e d'emigrati.