M'aggi'accattato
nù trencio e nù m'brello,
erano in saldi
miezz'o mercato,
l'aggio pagati
just'a mità.
Dimane m'accatt'o cappiello
facci'o completo
c'o trencio e c'o m'brello.

L'aggio appuiati
for'all'entrata,
aspetto ca chiove,
succerarrà.

Ogni matina
m'affacci'o balcone,
si ssò giuste e previsioni
dopp'dimane
m'aggia n'gignà.

Sai che alleria
pe strade dò centro
ca pioggia cà scenne
ed io a passià.

Ogni persona
cà n'contro pà via,
scosto l'ombrello,
me lev'o cappiello,
faccio n'inchino,
m'aggia sfezzià.