Tutt'a notte a stà scetato
pe te scriver'e penzier
ca mme suggerisce o core.
So penzier'ca s'affollano,
vonn'addeventà parole,
e dimane, vita mia,
nunn'appena sponta o sole
truov'o lietto chin'e Rose
e o fuglietto e stà poesia.

Sò passat'quarant'anni!
Sò vulat'quarant'anni!

Si a memoria nun'me n'ganna
chillu juorno a inizio e ll'anno
n'zieme a na cumpagna toia
passiave pa Marina.

Era na jurnata e sole
cu nu cielo azzurro e chiaro,
nu prufummo forte e mare,
dint'a ll'aria doce doce.

Te guardaie,
me guardasti;
e fu ammore a primma vista.

Sò passat'quarant'anni,
chill'ammore e giuventù
m'è rimasto dint'o core.

Quarant'anni chin'e sole,
tu prufumi ancora e mare,
e ll'ammore è sempe doce.