A di tiempi u Patri Eternu taliannu a terra ia riciennu: << fighiu miu mi misi a pinsari, io dà sutta taghia mannari>> e sa fighiu ci arrispunniu: << Hai raghiuni patri miu, aminu i soddi e mai a Diu!>> e accussi si cummuviu.. si vutau viessu u patri e che l’ acrimi n’ ta luicci ci rissi: << Patri, scinnu e ci piensu iu!>> e u patri tantu buonu picchi l’ uomu era n’ to piccatu, cu prescia e furia ci cumannau: << Ni Maria ti staiu mannannu, manu manu! Tu sarai lu strumientu pi savvari lu creatu!>> intantu na terra.. era nu ghiuonnu ri suli e maria rintra na stanza travagliava a lana, all’ improvvisu vitti na luci e n’ immaggini celestiali, San gabrieli u messaggero ri Diu ci rissi tutta a situazioni.. a Marunnuzza accunsintiu e pi sà cucina subitu pattiu.. Ma San Giuseppi era furiusu viriennila arricoghiri co panzuni e senza mancu pinsarici rui voti ci rissi: << Oh! Maria chi cumminasti? Ti vuoi fari lapidari? T’ arricughisti ri tà cucina e cu sta panza ti fai taliari!!>> ma Maria sicura era ca u Signuri l’ assistia s’ abbrazzau a san Giuseppe e si misi n’ ta cantunera a ripusari. Na nuttata San Giuseppi cu nu suonnu s’ accuetau, vitti l’ angilu arruvari e di cuorpu i suoi pinsieri duci duci addivintari. L’ angilu cu nu sorrisu e l’ ali apietti che manu stritti no cori ci rissi: << Oh! Giuseppi stà tranquillu ca L’ eternu ti scigghiu! Tu sarai lu vastuni ca difenni u fighiu ri Diu, u sa nomu sarà Gesù, u potenti rò criatu>>.