Stasera s'apparecchia o core!
L'aria è frizzante,
o cielo trapuntato e stelle,
a luna chiena crea nà magia
ca trase dint'all'anema.
Dimane è a festa
e tutt'e nnammurate,
pare ca stù cielo l'ha capito,
s'è mis'a vesta e strasse
e s'è allummato.

E core so felici,
se teneno pe mmano,
suspirano e passione,
se fanno giuramenti,
se m'briacano d'ammore.

Po, quanne passa l'ora
e a festa se ne va,
parole e giuramenti
se perdono co viento
da quotidianità.

L'ammore è nu fiore,
nu fiore raro
in questa vita grama,
va coltivato.
Na carezza, nu vaso,
na coccol'a matina;
nun ffà ll'annamurato
solo a San Valentino